…für eine einzigartige Stickelspitzer-Kerwe 2023!
Das Kerwewochenende begann am Freitag, den 22.9.2022 mit einem Wahnsinns-Regenbogen, denn bevor es losging, hatte es noch etwas geregnet. Die Rockband „Back to the 80s“, brachte die zahlreichen Musikfans schon nach einigen Songs in Hochstimmung, die weit bis nach Mitternacht anhielt.
Am Samstag strömten bereits ab 17:00 Uhr die Feierlustigen in die liebevoll geschmückte Sommerfesthalle in Otterstadt. Ein herbstliches Ambiente der zahlreichen Vereine und Akteure hinter ihren einladend dekorierten Kerweständen erwarteten die Besucher. Das vielseitige Speise- und Getränkeangebot zu fairen Preisen wurde von den Gästen begeistert angenommen und brachte die Anbieter an ihre Kapazitätsgrenzen. Mit DJ Jens Schneider von Radio Regenbogen ging es bis spät in die Nacht. Hunderte Junge und jung Gebliebene feierten in der brechend vollen Sommerfesthalle in bester Partystimmung.
Am Sonntag Mittag nach dem traditionellen Schafkopfturnier und einem zünftigen Frühschoppen mit Weißwurst und Klostermachern Bier beim VHNO waren die Ausrichter bereits wieder voll gefordert. Erneut über 600 Besucher nahmen das ausgefallene Essensangebot samt Getränke gerne an. Das bunte Kinderprogramm mit Karussell, Fußball-Dart, Hüpfburg, Stickelspitzerwurfspiel und Lichtgewehrschießen begeisterte die Jüngsten. Magic Chris verzauberte die Kleinen, Kindergarten- und Schulkinder sowie Latino-Kids erfreuten mit einstudierten Tänzen, umrahmt von einer Darbietung der Jüngsten des MVO. Den Ausklang begleitete das Otterstadter Bord-Dua. Gegen 19:00 Uhr lichteten sich die Reihen und die Vereine und das Organisationsteam des Ortskartells Otterstadt konnten zufrieden und erschöpft auf ein gelungenes Wochenende zurückblicken.
Der Dank des OKO geht an alle Ausrichter, die Bauhofmitarbeiter, an die Ortsgemeinde Otterstadt, an die Stifter der Deko und an alle, die diese Stickelspitzer Kerwe unterstützt haben. Alle Besucher und Ausrichter waren sich einig: das war wieder ein Erlebnis! Unser ausdrücklicher Dank geht an alle Gäste, die diese tolle Stimmung geschaffen haben!
Es isch wieder Kerwe (Kerweredd 2023)
Frieher, ihr Leit, es isch wirklich wohr,
war die Kerwe de wichtigschte Feschttag im Johr.
Sunscht waren Weihnachte un Oschtere zu nenne.
Oder ma dut zum Schlachtfescht renne.
Iwwer allem die Kerwe, do war die Ernt fascht vorbei,
do kriegen die Kinner Klääder, alles nei,
do gibt’s vielleicht aa neie Schuh
un en neie Hut dezu.
Dann gehen die junge Leit uffs Ganze,
gehen uff die Kerwe un zum Danze.
Do wird gesse un getrunke
un de Mädle zugewunke.
Im Danzsaal war ma nooch Geschlechter getrennt.
Hiwwe die Mädle, driwwe die Buwe – un ma rennt,
um die Allerschänscht zu engagiere
un uff die Danzfläche zu fiehre.
Die Alte gucken un hän ihren Spaß
un schmunzeln un sagen: Do war doch noch was…
Ja, die Kerwe war, wie ich des sehe,
die Anbahnung fer manche Ehe.
Drei Tag hot ma g’feiert wie verrickt,
dass de Leit de Mage drickt,
bis mancher Angscht hot, er misst sterwe…
Un des grad an de Otterstadter Kerwe!
Ihr Leit, glaawen mir des norre:
Frieher sin die meischte Otterstädter im Juni gebore worre,
gell, do kummen ihr glei dehinner:
Des waren dann die Kerwe-Kinner.
Ach… mit 20 Penning in de Hand
waren die Kinner am Gutselstand,
hän ganz lang geguckt, was se do wolle
un ob de die oder selli Gutselstang kaafe solle.
Reitschul fahre, des war so schää,
des Geld war schnell all, dann hoscht nix mäh.
Un die Herrlichkeit war bloß ämol im Johr,
des wege kummt’s äm so koschtbar vor.
Un die alte Leit hän gebet: Liewer Gott, loss mich net sterwe!
Net vor de Otterstädter Kerwe!
Heitzudaag ischs annerscht, do kannscht dauernd alles mache,
ma sieht un hört die närrischste Sache.
Do fahrscht mit de Kinner in de Holidaypark,
fiehlscht dich beim Ballonflug stark,
spielscht virtuell, hoscht 200 Fernsehprogramme –
so viel Zeit bringscht nimmi zamme.
Du kannscht in Musicaltheater gehe,
uff Festivals in de Schlange stehe,
kannscht dich in Mannem im Nachtclub amüsiere,
wu se nackisch uffem Disch posiere.
Du kannscht reise, um die Welt rumjette…
Kannscht alles mache – jede Wette,
alles, immer, jeden Daag,
jeder kriegt so, was er mag,
jeder hot fer alles Geld….
Awwer ebbes hot uff ämol g’fehlt in dere Welt.
Uff ämol hän die Leit g’saat: Die alde Sitte sollen net verderwe,
lossen se net sterwe, es wär schad um die Kerwe…
Un jetzt werd die Summerfeschthall wieder uffgemacht,
die Sticklspitzer-Kerwe werd munter iwwer Nacht,
mit Musik, die isch fer Alt und Jung,
do kriegt die Kerwe wieder Schwung.
Die Kerwe lebt!
Die Halle bebt!
Un wann ihr nachts dann häämwärts schwanke,
dann kennen ihr dem Herrgott danke.
Un sage, es isch nix so schää,
wie in Otterstadt uff die Kerwe zu geh.
In de Summerfeschthall, glei in de Natur,
hot ma Pläsier und viel Spaß pur.
Viele Helfer mühen sich seit Woche,
fer eich des Beschte zu brote, zu koche,
Flääsch un Werschtle, wääch un zart,
rutschen nunner hinnerm Bart.
Zwiwwle un de Meerrettich sin vun Hand geriwwe,
do isch kä Aaag je trocke gebliwwe.
Damnudle un Fleeschknepp un Schwartemage,
dann kann ma wieder e Stickl Kuche vertrage,
zwää, drei Schorle, e paar Biere,
alles muscht an de Kerwe prowiere.
Do heerscht die Leit stöhne: Mir isch’s zum Sterwe…
Ich war grad in Otterstadt uff de Kerwe…
Die Summerfeschthall dampft un brodelt,
es wird g’sunge un gejodelt.
Die Luft isch dick, des mach nix aus,
es isch halt schää im Kerwehaus.
Dehäm die Kich, die kannscht vergesse:
Mir gehen uff die Kewe esse.
Die Musik spielt, die Bloskapell,
da kannscht aa mol schunkle, gell.
Triffscht Leit am Ausschank: Jesses nää,
wie isch’s wieder uff de Kerwe schää.
Un du verschwendescht kän Gedanke,
dass morgens uffstehscht wie en Kranke,
un die Kollege sagen: Du siehscht jo aus… zum Sterwe!
Warscht wieder in Otterstadt, uff de Kerwe?
Ich sag eich ääns: Sie deet sterwe,
die SticklspitzerKerwe,
wann’s kä Leit gäb, wu schaffe un wu plane.
Es isch en Haufe Ärwet, des kann ma bloß ahne.
Do schaffen Vereine un private Leit,
alles, dass mir Kerwe hän heit.
Un noch was Leit, hän ihr des gewisst,
dass in Deutschland jedes Kartell verbote iss?
Drogekartelle? Ölkartelle? Preiskartelle?
Die werren verfolgt, glei uff de Stelle.
Kartelle, die sin net gut gelitte….
Bloß ä Kartell, des braucht ma, bitte:
Ihr wissen: Uhne Ortskartell
laaft do nix un schun gar net schnell.
Ma könnt zur Not ohne Bürgermäschter auskumme,
awwer werd uns des Ortskartell genumme…
dann gäb’s do nix, kä Sticklspitzerkerwe.
Des Ortskartell halt es hoch, des Erwe!
Uff alle, die g’schafft hän fer die Kerwe!
Ein Hoch uff unser Otterstädter Sticklspitzer-Kerwe!